مرات تقرا في جرايدنا في قسم الأخبار المحلية وتقول: ياخي ما عندهم غير هالمواضيع؟  وأنا من بعد ما شفت هالموضوع قلت: يعني هديتوا كل الظواهر السلبية الموجودة عندنا وصورتوا عامل النظافة وهو يطعم الحمام وقلتوا عمّال النظافة تركوا عملهم وانشغلوا بإطعام الحمام؟ 

الكاتبة في آخر فقرتين من الموضوع انتقدت عمال النظافة اللي يجمعون علب الحديد ويبيعونها وعن اللي يندسون بعيد ويرقدون لين وقت انتهاء العمل، لكن أنا أقول يا ليتها بس صورت طلاب الإعدادية والثانوية اللي في ايدينهم المدواخ وسألتهم شو السالفة؟ ولاّ انتقدت الشقــرة والسمـــرة اللي ما تعرف إذا هي لابسة أو لا وتمشي عدالك وتقول هذا من فضل ربي، مب صورة عامل نظافة وخبز وحمام، وياما قلنالهم أكثر عن مرة: لا تسووا عماركم ملكيين أكثر عن الملك نفسه...